SOFT PORTAL OF UZBEKISTAN

Дастурлаш тиллари тарихида эътиборга сазовор воқеа 1971 йилда PASCAL тилининг яратилиши бўлди. Унинг муаллифи Швецариялик профессор Никлаус Виртдир. Вирт бу тилни француз физиги ва математиги Блез Паскал шарафига қўйди (Блез Паскал 1642 йили ҳисоблаш механизмини ихтиро қилган). Дачтлаб PASCAL ўрганиш тили сифатида тузилган. Бу тилда дастурлашнинг ёрқин томонлари очиб берилган. Амалиётда кенг қўлланилиши шахсий компбютерларда Turbo PASCAL версиясидан бошланган.

С ("Си”) дастурлаш тили операцион тизимларни ишлаб чиқиш учун яратилган. У UNIX операцион тизими билан бир вақтда яратилган. Ушбу UNIX операцион тизими ва дастурлаш тилининг муаллифлари америкалик дастурчилар Деннис Ричи ва Кеннет Томпсонлардир. Дастлаб Кеннет Томпсон UNIX операцион тизимини FORTRAN тилида ёзган. Кейинчалик С тили ишлаб чиқилгандан сўнг, 1973 йилда операцион тизимнинг ядроси ёрдамчи дастурлар(утилита программалар)и билан С тилида қайта ёзилди. Бу юқори даражали таркибли (структурный) дастурлаш тилидир. Бугунги кунда бу тил нафақат операцион тизимлар, балки трансляторлар, тизимли ва амалий дастурлар ишлаб чиқишда қўлланилади.